News

Updated every Sundays and Wednesdays

Whats Hot NEWS?

Click HERE to direct you to our new Bisaya News. -(BBDN)

Mosley: 90% ok na ang engkwentro ni pacquiao

Marquez: andam siya bisan ugma

Nag ilog si Sugar Shane Mosley ug Juan Manuel Marquez nga ikaaway ang labing sikat
ug labing ngilngig nga boksidor sa kalibotan, Congressman Manny Pacquiao bisan paman
sa planong pagpahuway una ug unom ka buwansi Pinoy boxing hero.

Unang nipasiatab si Mosley sa nag-ingon nga adunay wa mamao sa diskarte ni Margarito nga siya lang ang makamao aron mapilde si Pacman. Si Margarito napilde usab ni Mosley sa niagi nilang away diin nakombikto si Margarito nga adunay tikas nga gihimo sa plaster
sa iyang gloves.

Niingon si Mosley nga 90% na nga mahinayon ang ilang away human sila nagkasabot matod pa ni Bob Arum ug kini mahitabo sa tunga-tunga sa tuig 2011.

Sa laing bahin, kursonada gyud si Juan Manuel Marquez nga ikaaway si Pacman bisan ugma. Gituohan ni Marquez nga iyang giilde si Pacquiao sa duha ka higayon ug mao nga si Pacquiao matod pa maglikay na kaniya nga ikasangka.

Siya dako kaayog pagtuo nga iyang mapukan ang 8-time world champion Pacquiao sa ila unyang ikatulong panagharong sa ring.

Apan si Pacquiao isip tubag niingon nga wala siyay gipili nga ikaaway basta lang ikasabot sa business deal. Si conditioning coach Alex Ariza niingon usab nga si Marquez, “must be stupid enough to believe that he can beat Pacquiao.”

Si Marquez maoy pabor karon sa team Pacquiao nga ikaatbang aron mahilom na ang Meksikano.

“Pacquiao is a strong fighter. his speed is incredible and he has respectable punching power. I believe i our first two fights, I have proved that if you fight him at the same rhythm, same speed, providing counter-punches, and using side to side movements, you can beat him. I have demonstrated it in two occasions”, pulong ni Marquez.

Away ni Pacquiao ug Margarito niabot ngadto sa 1.4 million PPV

Muabot ngadto sa 1.4 million ang nipalit sa pay-per-view sa dakong away ni Manny Pacquiao batok kang Antonio Margarito.

Kini maoy nanggawas nga taho gikan sa Dallas Morning News apan ikumpirmar pa ang maong numero.

kun matinuo ang mga numero sa PPV, nahimong malampusong ang nahisgutang bout.

Ang pinakadako nga PPV ni Pacquiao niabot ngadto sa 1.25 million atol sa iyang bout batok kang Oscar dela Hoya niadtong 2008 ug 1.2 million sa iyang sangka batok kang Miguel Cotto niadtong 2009.

Niadtong Marso ning tuiga, muabot kini ngadto sa 700,000.

Kun sakto ang maong numero sa 1.4 million PPV, kini muhalin ngadto sa 77 milyones dolyares.

Ang all-time record sa PPV mao ang away nila ni Floyd Mayweather Jr. ug Oscar dela Hoya nga may 2.44 milyon niadtong 2007.

Kun mahinayon ang away ni Pacquiao ug Mayweather gibana-banaang malabwan pa ang maong record.

Si Mark Baffet, senior vice president sa HBO nagngalan ni Pacquiao nga mao ang bag-ong darling sa PPV human ang pinoy boxing hero nag-average og 1 milyon PPV sa upat niya ka away.

Referee gitawag og ‘IDIOT’ tungod sa wala pag-undang sa away

Daghan na ang gibuhian nga mga estorya mahitungod sa nindot nga performance ni Manny Pacquiao batok ni Antonio Margarito. Ang duha nagpakita sa ilang “courage and endurance” igo nang rason nga tawgun silang duha isip mananaug.

Apan alang kang boxing analyst Ronnie Nathanielsz usa lang ang klarong pildero: si Laurence Code.

Matod ni Nathanielsz: “He’s a profound idiot. God only knows why he did not stop the game.. Maybe he just did not like Pacquiao.”

Si Cole maoy nagreferee batok sa controversial nga away batok ni Barrera. During that fight, Pacquiao slipped but it was deemed a knockout by Cole. “When Pacquiao knocked-out Barrera, he called it a slipped,” siya nagkanayon.

Si Pacquiao maoy naghari sa 112, 122, 126, 130, 135, 140 pounds nga dibisyon.

Wala hinuon mapatumba ni Pacquiao si Margarito apan daghan ang nag-ingon nga human na ang duwa pag abot sa 9th round.

Nagdugo ang samad ni Margarito ug motabon na sa panan-aw sa meksikano ug wala nay tsansa pa nga makabawos.

“I kept predicting that the fight would be over around the 7th round. The cuts came up so badly, the referee should have stopped the fight. I was wrong because of the idiot.” sulti ni Nathanielsz.

Ikabuta unta ni Margarito kung madugangan pa ang kumo nga nadawat apan nigawas gayod ang pagkamaluluy-on ni Pacquiao mao nga wala nay seryoso panga mga pagkulata ang gibuhian niini.

Siya mismo ang nihangyo sa referee nga lilion ang samad ni Margarito aron unta paundangon kini. “Boxing is not about killing each other,” pulong ni Manny.Ang iyang kinaiya maoy naghimo kaniyang lahi kay sa ubang kampeyon ug tukma lang siya tawgun ug “THE ALL-TIME GREAT!”

MARGARITO NA-OSPITAL – kay nabuak ang orbital bone sa iyang nawong

Si Antonio Margarito ang meksikanong super welterweight nga geparot ni Manny Pacquiao niadtong Sabado sa gabii (Dominggo sa oras sa Pilipinas) nahiagom ug buak sa ornital bone sa iyang nawong ug gidala sa tambalanan diin gepailalom kini’g obserbasyun hangtod sa gabii sa Dominggo kun Lunes sa oras sa Pilipinas.

Ang Tijuana Tornado nga si Margarito kinsa napildi sa 12 ka round nga desisyon daling gehatod sa tambalanan human sa dula aron maeksamin ang mga gisi sa iyang nawong sigun sa usa ka Executive sa Margarito’s Promotion.

Kini human nadiskubrehan ang angol duol sa iyang mata matud sa pamahayag ni Top Rank Executive carl Morreti.

Wala na mutambong si Margarito sa postfight news conference sa request sa fight doctor ug ang mga tawo sa iyang kampo, butang nga nakahatag ug tanghaga.

Ang legendary trainer ni Pacquiao nga si Freddie Roach nisaway sa katapusang desisyun nga gehimo sa korner ni Margarito ug nisulti nga pwersahan untang ipaundang ang maong away.

Apan ang meksikanong warrior nga si Margarito niingon nga wa sa iyang bukabularyo ang pag-undang ug tiwasun gayud niya hangtod sa katapusan.

Si Pacquiao nga pulos nadehado sa timbang ug gitas-on, nidaug sa bakus sa WBC super welterweight aron sa pag-inat sa iyang rekord nga may titulo sa ikawalong debisyun ug mas daghan pa ug duha ngadto sa unom nga nahipos ni Oscar de la Hoya.

Gehimong punching bag ni Pacquiao ang nawong ni Margarito diin naputos kini sa bun-og ug niagas ang mga dugo niini pinaagi sa nagpungasi nga mga kumo ni pacman ug gedominahan gikan sa pagsugod sa round didto sa Cowboys Stadium sa Arlington, Texas, USA.